ವಿಶ್ವದಾದ್ಯಂತ ಈವರೆಗೆ 2.7 ಕೋಟಿ ಕೊರೊನಾ ಪ್ರಕರಣ : ಅಮೆರಿಕಾ ನಂ.1, ಭಾರತ ನಂ 2

ವಾಷಿಂಗ್ಟನ್ : ವಿಶ್ವದಾದ್ಯಂತ ಕೊರೊನಾ ವೈರಸ್ ಅಟ್ಟಹಾಸ ಮುಂದುವರೆದಿದ್ದು, ಈವರೆಗೆ ಕೊರೊನಾ ಸೋಂಕಿತರ ಸಂಖ್ಯೆ 2.7 ಕೋಟಿಗೆ ಏರಿಕೆಯಾಗಿದ್ದು, 8.83 ಲಕ್ಷ ಮಂದಿ ಕಿಲ್ಲರ್ ಕೊರೊನಾಗೆ ಬಲಿಯಾಗಿದ್ದಾರೆ.

ವಿಶ್ವದಲ್ಲಿ ಅತೀ ಹೆಚ್ಚು ಕೊರೊನಾ ವೈರಸ್ ಸೋಂಕಿತ ದೇಶಗಳ ಪಟ್ಟಿಯಲ್ಲಿ ಅಮೆರಿಕಾ ಮೊದಲ ಸ್ಥಾನದಲ್ಲಿದ್ದು, ಈವರೆಗೆ 62.75 ಲಕ್ಷ ಕೊರೊನಾ ಪ್ರಕರಣಗಳು ವರದಿಯಾಗಿದೆ. 2 ನೇ ಸ್ಥಾನದಲ್ಲಿರುವ ಭಾರತದಲ್ಲಿ ನಿನ್ನೆ ಒಂದೇ ದಿನ 90,000 ಕ್ಕೂ ಹೆಚ್ಚು ಹೊಸ ಪ್ರಕರಣಗಳ ಹೊರತಾಗಿ, ಸಾವಿನ ಸಂಖ್ಯೆ 1,016 ರಷ್ಟು ಹೆಚ್ಚಾಗಿದೆ. ಏರಿಕೆಯೊಂದಿಗೆ, ಭಾರತದ ಪ್ರಸ್ತುತ ಕೋವಿಡ್ -19 ನಿಂದ ಒಟ್ಟು 71,642 ಜನ ಸಾವನ್ನಪ್ಪಿದ್ದಾರೆ. ದೇಶದಲ್ಲಿ ಒಟ್ಟು ಪ್ರಕರಣಗಳ ಸಂಖ್ಯೆ 42,04,613 ರಷ್ಟಿದೆ.

ಒಟ್ಟು 42 ಲಕ್ಷ ಕೊರೋನವೈರಸ್ ಪ್ರಕರಣಗಳೊಂದಿಗೆ, ಭಾರತದಲ್ಲಿ ಈಗ 8,82,542 ಕ್ರಿಯಾಶೀಲ ಕೋವಿಡ್ -19 ಪ್ರಕರಣಗಳಿದ್ದು, ಚೇತರಿಸಿಕೊಂಡ ಪ್ರಕರಣಗಳ ಸಂಖ್ಯೆ 32,50,429 ಕ್ಕೆ ತಲುಪಿದ್ದು, 77.31% ನಷ್ಟು ಚೇತರಿಕೆಯ ಪ್ರಮಾಣವಿದೆ.